Shımbay rayonı «Gújimli» mákan puqaraları jıyınınıń jańa imaratı qısqa waqıt ishinde qurılısshılar tárepinen qurıp pitkerilip, paydalanıwǵa tapsırıldı.
Úlgi joybarlar tiykarında qurılıs jumısları alıp barılǵan máhálle imaratınıń ashılıw saltanatında Máhálle hám shańaraqtı qollap-quwatlaw ministri S.Turmanov, rayon hákimi A.Tajetdinov, aymaq belsendileri hám turǵınları, kekse nuranıylarımız tárepinen jaqsı niyetler bildirildi.
Ashılıw saltanatı múnásibeti menen Máhálle hám shańaraqtı qollap-quwatlaw ministrligi tárepinen «Gújimli» MPJ hám «Taza jol» APJ larınıń materiallıq-texnikalıq bazasın bekkemlew maqsetinde zaman talaplarına juwap beretuǵın kompyuter toplamı, sonday-aq, oktyabr ayınıń dáslepki háptesi «Kekseler hápteligi» sheńberinde ótkerilgen ilajlarda belsendilik kórsetkenligi ushın rayonlıq Máhálle hám shańaraqtı qollap-quwatlaw bólimine kompyuter toplamı saltanatlı túrde tapsırıldı.
