Usı jıldıń 10-noyabr kúni Shımbay rayonında Qaraqalpaqstan Respublikası Turizm hám sport bas basqarması, Germaniya xalıq aralıq sheriklik shólkemi tárepinen hám bir qatar ministrlik hám keńseler sheriklikte Shımbay rayonında Qaraqalpaqstan Respublikasında turizm salasın muwapıqlastırıw keńesi jumısshı toparınıń Shımbay rayonında Etnoturizm baǵdarın rawajlandırıw boyınsha ushırasıwı bolıp ótti.
Ilajda Qaraqalpaqstan Respublikası Joqarǵı Keńesi Baslıǵınıń Mádeniyat jumısları boyınsha máslahátshisi Gulbaxar Izentaeva, sonıń menen birge, jergilikli ónermentler hám basqa bir qatar tarawǵa tiyisli ministrlik hám keńseler wákilleri qatnastı.
Ilajda “Modern plyus” joybarlaw shólkem wákili, arxitektor Berdan Dauletbaev tárepinen Shımbay rayonına kirisiw bóleginde turistik selfi obekt, rayondaǵı Etnokompleks penen hám milliy qara úyler ustaxanasınıń qurılıuı boyınsha prezentaciyaları ótkerildi. Sonnan keyin xalıq aralıq ekspert, “MASCONTOUR” xalıq aralıq shólkeminiń wákili Xendrik Vintxem tárepinen óziniń usınısları boyınsha prezentaciyası ótkerildi. Ushırasıw sońında turizm hám oǵan tutas tarawlar hám xalıq aralıq ekspertler tárepinen usınıs etilgen joybarlar boyınsha dodalawlar alıp barıldı.
