Qaraqalpaqstan Respublikası Qurılıs hám úy-jay kommunal xojalıǵı ministrligi tárepinen ǵalaba xabar quralları wákilleriniń qatnasıwında ashıq sáwbet shólkemlestirildi.
Ilaj Ózbekstan Respublikası Rawajlanıw strategiyasında belgilengen wazıypalardıń orınlanıwın támiyinlew, xalıqtı turaq jay menen támiyinlew, jańa qurılıs joybarların ámelge asırıw hám puqaralardan kelip túsip atırǵan múrájatlar menen islesiw jaǵdayın dodalaw maqsetinde ótkerildi.
Ashıqtan-ashıq sóylesiw dawamında ministrlik qánigeleri tárepinen aymaqlarda ámelge asırılıp atırǵan qurılıs jumısları, úy-jay baǵdarlamaları, kommunal xızmetlerdiń sapası hám tarawda alıp barılıp atırǵan reformalar haqqında maǵlıwmat berildi.
Sonday-aq, puqaralardan kelip túsip atırǵan múrájatlardı dodalaw, olardı kórip shıǵıw hám unamlı sheshiw boyınsha ámelge asırılıp atırǵan ilajlar boyınsha málimleme berildi.
Ilaj dawamında tarawdaǵı bar mashqalalar, qurılıs processlerinde ushırasıp atırǵan áhmiyetli máseleler, jańa baslama hám usınıslar dodalanıp, jurnalistler tárepinen berilgen sorawlarǵa juwapkerler tárepinen tolıq juwaplar berildi.
Ashıq sáwbet juwmaǵında xalıqtı turaq jay menen támiyinlew, qurılıs tarawın bunnan bılay da rawajlandırıw hám múrájatlar menen islesiw nátiyjeliligin arttırıw baǵdarındaǵı wazıypalar boyınsha pikir alısıldı hám keleshektegi tiykarǵı baǵdarlar belgilep alındı.
