Qaraqalpaqstan Respubikası Qurılıs ministrliginiń májilisler zalında Qaraqalpaqstan Respublikası úy-jay kommunal xojalıǵı ministrliginiń shólkemlestiriwinde kóp kvartiralı úylerdi basqarıw jumısların jetilistiriw baǵdarında jıynalıs bolıp ótti. Bunda tiykarınan búgingi kún talaplarınan kelip shıqqan túrde Nókis qalasındaǵı kóp kvartiralı turaq jaylarǵa xızmet kórsetiwshi basqarıw servis kompaniyalarınıń jumısların jetilistiriw, materiallıq texnikalıq bazasın bekkemlew, májbúriy aǵzalıq tólem máseleleri, quyash panellerin ornatıw hám onıń abzallıqların хalıqqa birgelikte túsindiriw, eki konturlı zamanagóy úlgidegi qáwipsiz kotyollardı engiziw, gúz, qıs aylarında gaz hám elektr energiyasınan ısırapsız, tejelgen túrde jılıtıw sistemaların paydalanıw hám basqada bir qatar máseleler boyınsha usınıslar, pikirler bildirildi. Ushırasıp atırǵan mashqalalardı sheshiw boyınsha wazıypalar belgilenip alındı.
Qaraqalpaqstan Respublikası Qurılıs ministrligi málimleme xızmeti.
