Búgin Qaraqalpaqstan medicina institutı klinikasınıń ashılıw máresimi bolıp ótti.
Ilajda Qaraqalpaqstan Respublikası Joqarǵı Keńesi Baslıǵı M.Kamalov jańadan ashılıp atırǵan zamanagóy klinikanıń xalqımız salamatlıǵın saqlawdaǵı áhmiyeti haqqında ayrıqsha toqtap ótti hám jıynalǵanlardı klinikanıń ashılıwı menen qızǵın qutlıqladı.
Zamanagóy klinikada tiykarınan Aralboyı aymaǵındaǵı tuwma keselligi bar balalar emlenip, oǵan muwapıq Rossiya, Koreya, Avstriya sıyaqlı mámleketlerdiń abıraylı klinikaları menen jaqınnan birge islesiw, eń quramalı xirurgiyalıq operaciyalardı ámelge asırıw hám medicina baǵdarındaǵı barlıq joqarı oqıw orınlarınıń oqıw-reje baǵdarlamalarına kirgiziwge baǵdarlanǵan. Sonday-aq, klinika medicina tarawındaǵı studentlerdi oqıtıw hám ámeliyat jumısların shólkemlestirip, maman kadrlardı tayarlawǵa qaratılǵan.
Búgin 120 orınǵa arnalǵan zamanagóy Qaraqalpaqstan medicina institutı klinikasınıń ashılıw máresimi bolıp ótti. Oǵan Qaraqalpaqstan Respublikası Joqarǵı Keńesi Baslıǵı Murat Kamalov, ÓzR Densawlıqtı saqlaw ministriniń birinshi orınbasarı Amirulla Inoyatov, QR Densawlıqtı saqlaw ministri Murad Qurbanov, Qaraqalpaqstan medicina institutı rektorı, senator Oral Ataniyazova hám keń jámiyetshilik wákilleri qatnastı. Ilajda sózge shıqqan Qaraqalpaqstan Respublikası Joqarǵı Keńesi Baslıǵı Murat Kamalov jańadan ashılıp atırǵan zamanagóy klinikanıń xalqımız salamatlıǵın saqlawdaǵı áhmiyeti haqqında ayrıqsha toqtap ótti hám jıynalǵanlardı klinikanıń ashılıwı menen qızǵın qutlıqladı. Sonday-aq, ÓzR Densawlıqtı saqlaw ministriniń birinshi orınbasarı Amirulla Inoyatov, Qaraqalpaqstan medicina institutı rektorı Oral Ataniyazovalar da sózge shıǵıp, húkimetimiz tárepinen medicina tarawına qaratılıp atırǵan ayrıqsha itibarı haqqında aytıp ótti. Bunnan soń, qızıl lenta kesilip, jıynalǵanlar klinikada jaratılǵan sharayatlar menen tanıstı.
Zamanagóy klinikada tiykarınan Aral boyı aymaǵındaǵı tuwma keselligi bar balalar emlenip, oǵan muwapıq Rossiya, Koreya, Avstriya sıyaqlı mámleketlerdiń abıraylı klinikaları menen jaqınnan birge islesiw, eń quramalı xirurgiyalıq operaciyalardı ámelge asırıw hám medicina baǵdarındaǵı barlıq joqarı oqıw orınlarınıń oqıw-reje baǵdarlamalarına kirgiziwge baǵdarlanǵan. Sonday-aq, klinika medicina tarawındaǵı studentlerdi oqıtıw hám ámeliyat jumısların shólkemlestirip, maman kadrlardı tayarlawǵa qaratılǵan.
Klinika – bul medicinalıq diagnostika, bilimlendiriw, ilimiy innovacion hám xojalıq korpuslarınan ibarat bir pútin kompleks esaplanadı. Onıń quramında poliklinika, qabıllaw bólimi, anesteziologiya hám reanimatologiya bólimi, operaciya blogı, balalar gepatologiyası hám gematologiyası bólimi, bas hám moyın xirurgiyası bólimi, minimal invaziv xirurgiya, travmatologiyalıq ortopediya, reproduktiv patologiya, radiologiya bólimleri, sonday-aq, ilimiy bólim, telemedicina bólimi, simulyaciya orayı hám basqa da birqatar qosımsha bólimler iskerlik kórsetedi.
Házirgi kúnde bul klinika Yaponiyanıń “JICA” shólkemi grantı hám byudjet qarjıları esabınan zamanagóy ásbap-úskeneler (MRT, kompyuter tomografiyası, angiograf, mini-invaziv xirurgiyalıq úskeneleri), telemedicina hám elektron poliklinika úskeneleri menen tolıqtırılmaqta. Klinikada 69 shıpaker, 134 miyirbiyke, 91 sanitarka hám 79 texnik xızmetkerler iskerlik kórsetiwi názerde tutılǵan.
Ulıwma 1,1 gektar maydandı qamtıp alǵan bul klinika imaratı zamanagóy texnologiyaǵa tiykarlanǵan jańa túrdegi qurılıs konstrukciyası tiykarında jaratılǵan. Imaratta elektr únemlegish qurılıs materiallarınan paydalanılıp, imarat ishinde qısta jıllı, jazda salqın turıwın támiyinleydi. Sonday-aq, klinika imaratı videobaqlaw sistemasına iye hám órt qáwipsizlik úskeneleri menen támiyinlengen.
