Ózbekstan Respublikası Prezidentiniń 2016-jıl 28-dekabrdegi «Ózbekstan nuraniylerin sociallıq qollap-quwatlaw «Nuranıy» qorınıń jumısın bunnan bılayda jetilistiriw ilajları haqqında» ǵı PP-4906-sanlı pármanın orınlaw maqsetinde, Qaraózek rayonında «Nuranıylar orayı» imaratınıń qurılıs jumısları baslandı. Qurılısqa 1 mlrd 360 mln sum ajıratıldı. Házirgi kúnde imarattıń ekinshi qabatına gerbish óriw, sıbaw, elektr tarmaqların montajlaw hám basqada jumısları ámelge asırılmaqta. Qurılıs jumısların usı jıldıń dekabr ayına juwmaqlaw názerde tutılmaqta. Qurılıs jumısları tolıq juwmaqlanǵannan soń, nuranıylar ushın dem alıw xanası, kitapxana, den-sawlıqların bekkemlew ushın sport zal, medicinalıq xanaları shólkemlestiriledi. Joybarlawshı "Arxenergoproekt" JShJ
Derek: Qaraózek rayonı hákimligi málimleme xızmeti
