.jpg)
"Qala qurılısı renovaciyası haqqında"ǵı Nızam (ÓRN-1149-sanlı, 10.06.2026-j.) qabıl etildi.
Nızamǵa bola, qala qurılısı renovaciyasın ámelge asırıw ushın tómendegiler tiykar boladı:
qala qurılısı renovaciyası aymaǵında jaylasqan turaq jay hám turaq jay emes jaylardıń gónergeni, jasaw hám paydalanıw ushın jaramsız bolıp, avariyalıq jaǵdayǵa kelip qalǵanlıǵı;
aymaq xalqınıń sociallıq turmısına ayrıqsha tásir etetuǵın jaǵdaylardıń bar ekenligi.
Qala qurılısı renovaciyası tómendegi túrlerden ibarat:
bar obyektti tiykarǵı konstrukciyasın ózgertpesten rekonstrukciyalaw;
bar obyektti buzıw hám bosap qalǵan jer uchastkasında buzılǵan obyekt kategoriyasındaǵı jańa obyektti qurıw;
jasıl aymaqlardı hám basqa da aymaqlıq zonalardı shólkemlestiriw.
Qala qurılısı renovaciyasın ámelge asırıw boyınsha usınıs tómendegi subyektlerdiń baslaması boyınsha kirgiziliwi múmkin:
mámleket baslaması boyınsha;
huqıq iyeleriniń baslaması boyınsha;
úshinshi shaxslardıń baslaması boyınsha.
Ministrler Kabineti hám Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri janında qala qurılısı renovaciyasın qollap-quwatlaw qorları shólkemlestiriledi.
Usı Nızam rásmiy járiyalanǵan kúnnen baslap 6 ay ótkennen keyin kúshke kiredi.
