Ózbekstan Respublikası Prezidentiniń 2023-jıl 8-maydaǵı PP-67 sanlı Pármanı menen tastıyıqlanǵan Jańa redakciyadaǵı Ózbekstan Respublikası Konstituciyasınan kelip shıǵatuǵın wazıypalardı ámelge asırıw boyınsha is-ilajlar baǵdarlamasınıń 80-81-bántleriniń orınlanıwın támiyinlew, sonday aq xalıqtıń saylaw nızamshılıǵına tiyisli huqıqıy sawatlılıǵın asırıw sistemasın jańa basqıshqa kóteriw maqsetinde Qaraqalpaqstan Respublikası Ádillik ministrliginiń shólkemlesttiriwinde orınlarda úgit násiyat jumısları alıp barılmaqta.
Bul ilaj Qaraqalpaqstan Respublikası Qurılıs hám úy jay kommunal xojalıǵı ministrliginiń májilisler zalında bir qatar mákemelerdiń qánigeleri qatnasıwında bolıp ótti. Ádillik ministrliginiń qánigeleri Jańa Konstituciyanıń abzallıqları, onı turmısımızda paydalanıw áhmiyeti, saylawǵa qatnasıw, dawıs beriw tártibi hám basqada huqıqıy máseleler boyınsha túsindirip ótti. Ilaj qatnasıwshılar tárepinen berilgen bir qatar sorawlarǵa juwaplar qaytarıldı.
Qaraqalpaqstan Respublikası Qurılıs ministrligi málimleme xızmeti
