Ózbekstan Respublikası Prezidentiniń 2021-jıl 18-sentyabrdegi «Islam rawajlanıw banki OPEK xalıqaralıq rawajlanıw fondı qatnasıwında awıllıq jerlerdi turaqlı rawajlandırıw joybarın ámelge asırıw is-ilajları haqqında»ǵı PQ-5246-sanlı qararında awıllıq elatlı punktleriniń arxitekturalıq kelbetin túpten jaqsılaw, aymaqlardı kompleks rawajlandırıw, jol-transport infrastrukturası, injenerlik-kommunikaciya tarmaqları hám sociallıq taraw obektlerin qurıw arqalı xalıqtıń turmıs mádeniyatın rawajlandırıw názerde tutılǵan. Qarardıń orınlanıwın támiiynlew maqsetinde Qaraqalpaqstan Respublikasınıń 6 rayonında 46 puqaralar jıyını aymaǵın hár tárepleme rawajlandırıw maqsetinde 9916 mln. AQSh dolları ajıratılıwı kózde tutılǵan. Bul joybardı ámelge asırıw ushın Islam rawajlanıw banki OPEK xalıqaralıq rawajlanıw fondı kredit qarjıları esabınan Ózbekstan Ekonomika hám finans ministrligi, BMSh Rawajlanıw Baǵdarlamasınıń Ozbekstandaǵı wákilxanası menen birgelikte ámelge asırılmaqta. Qarardıń orınlanıwı, joybarlardıń ámelge asırılıwı boyınsha Qaraqalpaqstan Respublikası Qurılıs ministrliginiń májilisler zalında seminar bolıp ótti. Seminarda Islam rawajlanıw banki OPEK xalıqaralıq rawajlanıw fondı wákilleri tárepinen joybarlardı ámelge asırıwshı joybarlawshı institutlardıń baslıqları, wákilleri, tiyisli rayonlardıń qurılıs bóliminiń baslıqları, arxitektorlarǵa orınlanıwı kerek bolǵan máseleler boyınsha keń túrde túsinikler berildi
