Ózbekstan Respublikası Prezidentiniń qararı tiykarında Nókis qalası “Baǵshılıq” MPJ aymaǵında Ózbekstan mámleketlik konservatoriyasınıń Nókis filialı ushın jańa zamanagóy imarat qurıw jumısları baslanǵan edi. Bul joybar 2024-2025-jılları óz waqtında hám sapalı ámelge asırıldı. Házirgi waqıtta qurılıs juwmaqlanıp, jańa imarat paydalanıwǵa tapsırılıw aldında tur.
Jańa imarattıń qurılısı ushın 27 milliard sum ajıratılǵan hám Prezident qararı tiykarında barlıq jumıslar óz waqtında ámelge asırılǵan. Imarat 300 orınǵa mólsherlengen bolıp, zamanagóy talaplarǵa juwap beretuǵın qolaylıqlar menen úskenelengen, bul bolsa bolajaq dóretiwshilerge zamanagóy bilim alıw imkaniyatın jaratıwǵa xızmet etedi.
