Qaraqalpaqstan Respublikası Qurılıs hám úy-jay kommunal xojalıǵı ministrliginde xızmetkerlerde korrupciyaǵa qarsı mawasasız múnásibetti qáliplestiriw hám nızamshılıqtaǵı ózgerislerdi túsindiriwge baǵıshlanǵan májilis bolıp ótti.
Onda ministrlik apparatı xızmetkerleri hám úy-jay kommunal xojalıǵı bólimleriniń juwapkerleri qatnastı. Ilajda Qaraqalpaqstan Respublikası prokuraturası qurılıs tarawında nızamshılıqtıń orınlanıwı ústinen qadaǵalaw bóliminiń prokurorı, 2-dárejeli yurist Q.Zarimbetov shıǵıp sóyledi.
Májiliste korrupciyaǵa qarsı mawasasız qatnastı bekkemlew, xızmet wazıypaların juwapkershilik penen orınlaw, nızamshılıq talaplarına ámel etiw, mápler soqlıǵısıwınıń aldın alıw jáne puqaralar menen islesiwde ashıq-aydınlıq principlerine ámel etiw máseleleri dodalandı.
Sonday-aq, xızmetkerlerge xızmet jumısında hadallıq hám qalıslıq principlerine qatań ámel etiw, korrupciyalıq qáwip-qáterlerdiń aldın alıw hám jeke juwapkershilikti kúsheytiw boyınsha tiyisli usınıslar berildi.
