Qaraqalpaqstan Respublikası Qurılıs hám úy-jay kommunal xojalıǵı ministrligi tárepinen aymaqlarda kommunal tarawda ámelge asırılıp atırǵan jumıslar menen keń jámiyetshilikti tanıstırıw maqsetinde ashıq sáwbet shólkemlestirildi.
Ilaj Nókis qalasındaǵı "Jas áwlad" MPJ, 27-kishi rayon aymaǵında jaylasqan "Nókis kommunal servis" basqarıw servis kompaniyasında bolıp ótti.
Onda ǵalaba xabar qurallarınıń wákilleri, blogerler hám taraw xızmetkerleri qatnastı.
Ashıq sáwbet dawamında kommunal xızmetlerdiń sapası, bar mashqalalar hám ámelge asırılıp atırǵan jumıslar boyınsha pikir alısıldı.
Sonday-aq, qatnasıwshılardı qızıqtırǵan sorawlarǵa qánigeler tárepinen tolıq juwaplar berilip, usınıs hám múrájatlar tıńlandı.