Qaraqalpaqstan Respublikası Joqarǵı sudınıń májilisler zalında kóp kvartiralı turaq jaylarda jasaytuǵın xalıqtıń basqarıw uyımlarına májbúriy tólemlerdi óz waqtında ámelge asırıw máselelerine baǵıshlanǵan ilaj bolıp ótti.
Onda Ózbekstan Respublikası Oliy sudı tárepinen islep shıǵılǵan, kelispewshiliklerdi sud tártibinde óz waqtında saplastırıw hám buyrıqlardı kórip shıǵıw tártibin óz ishine alǵan ámeliy qollanba usınıldı. Qollanba boyınsha sudyalardıń bayanatları tıńlanıp, ondaǵı áhmiyetli tárepleri qatnasıwshılarǵa túsindirildi.
Sonday-aq, gúz-qıs máwsimine tayarlıq kóriw boyınsha Qaraqalpaqstan Respublikası prokuraturası tárepinen bayanat usınıldı. Ilajda Qaraqalpaqstan Respublikası Qurılıs hám úy-jay kommunal xojalıǵı ministriniń orınbasarı Ajiniyaz Jabbarbergenov qatnasıp, tema boyınsha qosımsha túsinik berdi.
Bul ilaj xalıqtıń huqıqıy sawatlılıǵın arttırıw, sonday-aq, kóp kvartiralı turaq jaylardı basqarıwda júzege keliwi múmkin bolǵan kelispewshiliklerdi aldınnan saplastırıwǵa xızmet etedi.
