.jpg)
8-mart — Xalıqaralıq hayal-qızlar kúni múnásibeti menen Qaraqalpaqstan Respublikası Qurılıs hám úy-jay kommunal xojalıǵı ministrliginde "Hayal-qızlarǵa húrmet" atamasında ruwxıy-aǵartıwshılıq ilaj shólkemlestirildi. Ilajda ministrlik sistemasında jumıs alıp barıp atırǵan hayal-qızlar, taraw qánigeleri qatnastı.
Ilaj dawamında hayal-qızlardıń jámiyetlik turmıstaǵı ornı, shańaraqtaǵı sheksiz qádiri, olardıń pidákerlik miyneti hám mámleketimizdiń rawajlanıwı jolında qosıp atırǵan úlken úlesi haqqında ayrıqsha sóz etildi. Ásirese, qurılıs hám úy-jay kommunal xojalıǵı tarawında nátiyjeli jumıs alıp barıp atırǵan hayal-qızlardıń juwapkershilikli miyneti, intakerligi hám kásiplik sheberligi joqarı bahalandı.
Ilaj sońında ministrlik sistemasında kóp jıllardan berli shın kewilden miynet etip kiyatırǵan bir topar hayal-qızlarǵa estelik sawǵaları tapsırıldı. Bayram ilajı qızǵın hám kóterińki ruwxta dawam etip, qatnasıwshılarǵa bayram keypiyatın baǵıshladı.
