Ózbekstan Respublikası Prezidentiniń 2022-jıl 23-25 fevral kúnleri Qaraqalpaqstanǵa saparı dawamında Qaraqalpaqstan Respublikasınıń Nókis qalasındaǵı awır aymaqlarǵa itibar qaratıw, olarda qurılıs hám abadanlastırıw islerin alıp barıw wazıypaların belgilep bergen edi.Tapsırmalardıń orınlanıwın támiyinlew maqsetinde Nókis qalasındaǵı Qos kól, Qum awıl, Qızıl qum, Qutlı mákan, Jeke terek, Tele oray, Boz awıl mákan puqaralar jıyınları awır aymaqlar dizimine kirgizilip, búgingi kúnde bul aymaqlarda sociallıq obektler qurıw, qurılǵan imaratlardıń sırtın zamanagóy kóriniske keltiriw, shıraylı fasadlar islew, kóshelerdi abadanlastırıw, jap-salmalardı tazalaw, terek, daraqlardı putaw hám basqada baǵdarlar boyınsha jumıslar alıp barıw názerde tutılǵan.
Qaraqalpaqstan Respublikası Qurılıs ministrliginiń májilisler zalında Ózbekstan Respublikası Ministrler Kabineti apparatı bas qániygesi B.Qodirov, Qaraqalpaqstan Respublikası Qurılıs ministri J. Berdixanov, sonday aq awır aymaqlardı rawajlandırıw boyınsha juwapker bolǵan tarawlardıń basshıları hám usı awır aymaqqa kirgizilgen puqaralar jıyınları baslıqları qatnasıwında jıynalıs bolıp ótti. Bunda tiykarınan belgilengen uazıypalardıń orınlanıwında ushırasıp atırǵan mashqalalar, olardı sheshiw jolları haqqında pikir alısıwlar boldı. Taraw basshılarına wazıypalar belgilep berildi.
