1. Kóp kvartiralı úylerdiń ońlanıwı:
Qaraqalpaqstan Respublikasında jámi 136 kóp kvartiralı turaq jayda ońlaw jumısların ámelge asırıw belgilengen. Sonıń ishinde, 2 turaq jaydıń tóbesi tolıq ońlandı, 25 turaq jaydıń jer tólesindegi injenerlik kommunikaciyaları, 5 turaq jaydıń ishki injenerlik tarmaqları hám 9 turaq jaydıń fasad bólegi ońlandı. Sonday-aq, energiyanı únemlewdi arttırıw maqsetinde 270 dana energiya únemlewshi lampa ornatıldı.
2. Kiriw jolları hám elektr shitleriniń jaǵdayı:
Qaraqalpaqstan Respublikasındaǵı kóp kvartiralı turaq jaylardıń 156 kiriw jolı ońlandı. Sonday-aq, 59 kiriw esigine kodlı qulıp hám 49 jańa elektr bólistiriw shitleri ornatıldı.
3. Energiya nátiyjeliligin támiyinlew:
Nókis qalasındaǵı kóp kvartiralı turaq jay imaratın kompleksli energiya nátiyjeli modernizaciyalaw boyınsha FELICITY II pilot joybarı sheńberinde Nókis qalasınıń 26-kishi rayonı, 10-jayda energiya nátiyjeliligin arttırıw jumısları ámelge asırıldı.
Bul 5 qabatlı, 60 kvartiradan ibarat kóp kvartiralı turaq jaydıń sırtqı diywalların ıssılıq saqlawshı materiallar menen qaplaw hám imarattıń energiya nátiyjeliligin arttırıwǵa qaratılǵan kompleksli modernizaciyalaw jumısları orınlandı.