2025-yilda Beruniy tumanida 557 xonadonga mo‘ljallangan ko‘p qavatli uy-joylar quriladi
Prezidentimizning tashabbusi bilan Respublikamizda Yangi O‘zbekiston massivlari hamda ipoteka krediti asosida ko‘p qavatli uy-joylarni qurish va ularning atrofida infrastrukturani yanada yaxshilash borasida bir qancha amaliy ishlar bajarilmoqda.
Hususan Beruniy tumanida ham 2024-yilda 8 ta, 5 va 7 qavatli 301 ta xonadonga mo‘ljallangan uy-joylar qurilib, o‘z egalariga topshirildi. 2025-yilda esa 557 ta xonadonga mo‘ljallangan 15 ta 5 va 7 qavatli uylar qurilishi rejalashtirilgan.
Ihcham va barcha zamonaviy qulayliklarga ega bo‘lgan uy-joylarga bugun aholi tomonidan talab katta. Shu sababli uy-joylarning qurilishida sifatli qurilish materiallari ishlatilishi bo‘yicha doimiy monitoring o‘rnatilgan.
